Камерунд төрийн айлчлал хийж байгаа Хятад улсын дарга Хү Жиньтао 1-р сарын 31-ний өдөр Яундед Камеруны Ерөнхийлөгч Паул Биятай хэлэлцээ хийсэн байна. Хамтаар чармайж байгаад Хятад Камеруны найрсаг хамтын ажиллагааны харилцаа болон Хятад Африкийн шинэ хэлбэрийн стратегийн түншлэлийн харилцааны цаашдын хөгжлийг түлхэн ахиулахаа хоёр тал санал нэгтэй зөвшөөрсөн байна.

     Дарга Хү Жиньтао Хятад Африкийн хамтын ажиллагааны чуулга уулзалтын Бээжингийн дээд хэмжээний уулзалтын ололт амжилтыг нэгтгэн дүгнээд, улс төрийн харилцан итгэлцэл болон хамтын ажиллагаагаа эрчимжүүлж, харилцан ашигтай хамтаар хөгжих эдийн засаг худалдааны хамтын ажиллагааг өрнүүлж, нийгэм соёл иргэншлийн салбарын солилцоо, хамтын ажиллагаагаа бэхжүүлэн, олон салбарын зохицуулалтаа чангатгаж, өнө удааны энх тайван, хамтаар цэцэглэн хөгжсөн эвсэг зохицонгуй дэлхий ертөнц байгуулахыг түлхэн ахиулах зэрэг Хятад Камеруны харилцааг хөгжүүлэх санал санаачлагыг дэвшүүлсэн байна.