Ойлгосноос үзвэл, Хятадын биеийн тамир спортын ерөнхий газрын уран сэлэлтийн багт оруулсан хөрөнгийн хэмжээ ихээр нэмэгдсэн нь ч Хятадын уран сэлэлт сүүлийн жилүүдэд түргэн дээшилсэн нэгэн шалтгаан болж байгаа юм. Хатагтай Юй Ли цааш нь хэлэхдээ, өнгөрсөнд бидний энэ төрөл нь Ази болон дэлхийд өмнө нэрд орж чадахгүй учраас хятадын биеийн тамир спортын ерөнхий газар байгуулагдснаас нааших хөрөнгө оруулалт ч маш бага, бид гадаадын өндөр мэргэжлийн дасгалжуулагчийг уриж, цалинжуулж чадахгүй, зөвхөн дотоодод л эрэн сүвэгчилдэг. Уран сэлэлтийг хэлэхэд, Хятад улс Европийн орнуудаас 50 жил хоцорч, Японоос 30 жил хоцорч хөгжүүлсэн юм. Сургалтын талаар үнэхээр анхан шатны төвшинд байна гэжээ.

     Сүүлийн жилүүдэд уран сэлэлтийн багт оруулах хөрөнгийн хэмжээ тасралтгүй нэмэгдэхийн хэрээр Хятад улс ч гадаадын хашир дасгалжуулагчийг урих болсон байна. 2000 оноос хойш, Хятад улс Олон улсын сэлэлтийн холбооны мэргэжлийн албаны хүнийг уриж, уран сэлэлтийн багт заан жолоодуулсан бөгөөд өнгөрсөн хоёр жилд Канадын нэрт дасгалжуулагч хатагтай Крохоныг уриж, Хятадын тоглолтыг найруулсан байна. Эдгээр ажиллагаа нь Хятадын багийн ерөнхий хүчин дээшлэхэд нь маш их тусламж үзүүлсэн юм.