Хөдөө аж ахуйн үйлдвэрлэл нь Хятадын төв нутгийн Ань Хуй мужийн тулгуур аж үйлдвэрлэл байсаар ирж, хүн ардын 70 хувь нь хөдөө тосгонд амьдарч, хөдөө аж ахуй нь эдийн засгийн нийт хэмжээний талаас дээш хувийг эзэлсээр ирлээ. Гэтэл сүүлийн жилээс эндэхийн хөдөө тосгон бэлэн хувцас, шаахай гутал хийх зэрэг аж үйлдвэр эрхлэх болсноор орон нутгийн тариачид дагнасан тарианы ажил хийдэг байснаасаа аж ахуйн газар ажлаар хангагдан тогтвортой орлоготой болж, ажлын чөлөөний соёл урлагийн амьдрал нь ч хөгжөөнтэй болжээ. Манай сурвалжлагч саяхан томилолтоор Ань хуй мужид хүрч энэ сайхан байдалтай танилцлаа.Фань Чан сянд сурвалжлагч Жян түнмин гэдэг тариачин айлд оров. Тэднийх хоёр давхар байшинтай, нэгдүгээр давхарт нь зочны өрөө, гал тогооны өрөө, бие угаах газар бас хоёр унтлагын өрөөтэй, хоёрдугаар давхарт нь гурван том унтлагын өрөөтэй, гэр ахуйн цахилгаан хэрэгсэл иж бүрэн харагдана. Сурвалжлагчид энэ нь хувийн сууц харш шиг санагджээ.

     Энэ жил 59-тэй Жян Түнмин хөгшин, бага охин хүргэнтэй дөрвүүл хамт амьдарч байна. Тэднийх зөвхөн 0.2 га усан тутарга тарьж, жилд бараг 1000 гаруй килограмм ургац хураадаг. Үүнээс гадна хэдэн тахиа нугас, гахай тэжээж бий. Хөдөө аж ахуйн үйлдвэрлэл нь энэ айлын хоол хүнсний асуудлыг шийдэж байгаагаас гадна өөр орлого баймааргүй. Гэтэл энэ сайхан давхар байшинг ямар орлогоор барьсан юм бол гэж сурвалжлагч асуухад гэрийн эзэн Жян Түнмин баяртайгаар хэлэхдээ, таван тасалга өрөөтэй энэ хоёр давхар байшинг 2004 онд барьж бүх хадгаламжаа зарцуулсан боловч охин хүргэн ажиллаж байгаа болохоор мөнгөтэй гэлээ.
"Албаны газар ажиллах" гэдэг хөдөөгийн тариачдад төдий л яригдахгүй байсан үг өнөө Фань Чан сяний тариачдын өдөр болгон ярих үг болжээ. Жян Түнмингийн байгаа Сүнь Сүнь сууринд бэлэн хувцах хийхээр голлосон аж ахуйн нэгж 270 гаруй байж, нийт хүн ам нь 60 мянга хүрэхгүй энэ жижиг суурины 20 мянган хүнийг ажлын байраар хангасан байна. Иймээс тариа төмс тарих нь тухайн газрын тариачдын хувьд орлого олох цорын ганц арга биш болжээ. 51-тэй тариачин Жан Чүньшяа сурвалжлагчид хэлэхдээ, манай охин бэлэн хувцасны үйлдвэрт ажиллаж, хүргэн цутгамал ширэмний үйлдвэрт ажиллаж, тэр хоёрын жилийн орлого 30 мянган юаньд хүрч байна гэжээ.