Ирэх есөн хоногт Пара олимпийн бамбар "Цаг эриний өнгө төрх", "Хятадын соёл иргэншил" хоёр шугамаар Лүө-ян, Наньжин, Шэньжэнь, Шанхай, Чиндао, Чанша зэрэг Хятадын 11 хотоор дамжуулагдаж, 9-р сарын 6-ны өдрийн Пара олимпийн нээлтийн өдөр Үндэсний Биеийн Тамир Спортын Талбай--"Шуувууны үүр"-т хүрч ирэн, Бээжингийн Пара олимпийн гол бамбарыг асаах болно.

      Бамбар дамжуулах ажиллагаа бол Пара олимпийн наадмын эхлэл юм. Бээжингийн Пара Олимпийн Наадмыг Зохион Байгуулах Хорооны дарга Лю Чи мөн өдрийн ёслол дээр бамбар дамжуулах тухай хүслээ илэрхийлэв. Тэр хэлэхдээ: "Бээжингийн Тэнгэрийн сүмээс авсан Пара олимпийн ариун гал дүрэлзэн асах үед, бид энэ ариун гал нь Бээжингийн Пара олимпийн наадмын тухай хүмүүсийн сайн сайхны ерөөл, хөгжлийн бэрхшээлтэй хүмүүст үзүүлж байгаа анхаарал халамжийг агуулан, халуун сэтгэл болон хүсэл мөрөөдлийг уламжилж, эрүүл бүтэн хүмүүс болон хөгжлийн бэрхшээлтэй хүмүүсийн сэтгэл зүрхийг нягт холбож, Бээжингийн Пара олимпийн жавхлант дууллыг хамтаар эгшиглэхийг хүсч байна" гэжээ.