Олон Улсын Пара Олимпийн Хорооны дарга Филип Кравен энэ ёслол дээр хэлэхдээ, Пара олимпийн ариун гал ассан нь 2008 оны Пара олимпийн наадам Хятад улсад эхэлснийг харуулж байна гэжээ. Тэр хэлэхдээ: "Ирэх нэг хугацаанд уралдаан тэмцээний талбай юм уу өдөр тутмын амьдралд гэсэнгүй, хөгжлийн бэрхшээлтэй тамирчид маань биеийн тамир спортын хосгүй үзэл санааг харуулах болно. Пара олимпийн ариун гал нь энэ бүхний бэлэг тэмдэг юм. Тэд нар энэ үзэл санаагаар бэрхшээл, саад бүхнийг ялан давж, гарамгайлан чармайх юм" гэжээ.

      Бүртгэлээс үзвэл, өнөө, дэлхий дээр хөгжлийн бэрхшээлтэй хүмүүс нийт 650 сая байгаа юм байна. Бээжингийн Пара олимпийн наадмын хугацаанд 150 гаруй улс орон, газар нутгийн 4000 гаруй тамирчин, 2500 гаруй дасгалжуулагч болон албаны хүмүүс оролцож, Пара олимпийн наадмын түүхэн дэх оролцох улс орон, газар нутгийн тоогоороо хамгийн том наадам болох юм байна.

      Хятадын Хөгжлийн Бэрхшээлтэй Хүмүүсийн Холбооны дарга Дэн Пүфан энэ ёслол дээр Пара олимпийн наадмын тухай сайн сайхан ерөөл, хүсэл мөрөөдлөө илэрхийлжээ. Тэр хэлэхдээ: "Пара олимпийн наадам бол дэлхийн ард түмний хамтын баяр наадам, гадуурхал болон хэлбэрүү ойлголтыг хүн төрөлхтөн тэвчиж, эрх тэгш, эвсэг зохицонгуй байдлыг санаачилсан баяр наадам мөн. Энэ агуу их цаг мөч түргэн ирж, дэлхийн хүн ардтай хамтаар "нэг дэлхий, ижил мөрөөдөл"-ийн далбаан дор, хүн төрөлхтний нийгмийн энх тайван, хөгжил дэвшил, найрамдал нөхөрлөл, хүмүүнлэгийн төлөө уухайлахыг бид халуунаар хүсэн хүлээж байна" гэжээ. \Цэцэн орчуулж, О.Дарамбазар хянав.\