Өнөө би өөрөө хэчнээн шавь нартайгаа ч мэдэхгүй болсон. Германь, Англи, Унгар, Булгаар, Алжир, Тайланд, Индонез, Бразили зэрэг арван хэдэн орноос бүр бий гэж өндөр настан Ван Баожэнь хэлж байна.

      Индонезийн Чэнь Цайшя бол түүний шавийн нэг. Тэрээр анх Хятад улсад ирээд Найрамдал зочид буудалд нэг долоо хоног суухдаа өндөр настан Ван Баожэнтэй танилцаж, түүнээс тайжичуань сурсан байжээ. Тэрээр өнөө Бээжингийн төв хэсэгт сууж байгаа боловч дөрөв дэх өдрийн өглөө болгон Найрамдал зочид буудалд очиж, Ван багшаас тайжичуань сурч бий.

      Тайжичуаний хөдөлгөөн нэг бүр нь хүн байгалийн уялдаа харилцааны гүн агуулгыг багтааж, орчлонгийн арга билгийн зүй тогтоолыг тайжичуаний хөдөлгөөнөөр дамжуулан илтгэдэг нь Хятадын үндэстний оюун ухаан мөн . Би тайжичуань гимнастикт маш сонирхолтой болсон, энэ бол миний маш сайшаан таашаадаг хятадын соёл мөн гэж Чэнь Цайшя хэлж билээ.

      Өнөө, Европ, Америк тив, зүүн өмнөд Ази, Япон зэрэг улс орон, газар нутагт тайжичуань гимнастикийг сонирходог хүмүүс олон бий. Бүрэн бус бүртгэлээс үзвэл, зөвхөн Америкт хэвлэгдсэн тайжичуаний тухай ном бичиг 30 гаруй төрөл зүйлд хүрч, маш олон оронд тайжичуаний нийгэмлэг зэрэг олон нийтийн байгууллага байгуулагдаж , тайжичуаний үйл ажиллагааны талаар Хятад улстай харилцаатай ажиллаж байна.

      Хятадын эрүүл мэнд, боловсрол, спортын зэрэг салбарынхан ч тайжчуанийг чухалчлан хөгжүүлж, тайжичуаний тухай ном бичиг, зураг зэргийг хэдэн сая ширхэг хэвлүүлж, уламжлалт соёлоо бадраахын зэрэгцээ дэлхий дахинд танилццлан дэлгэрүүлж байна. Иргэд болон гадаадын хүмүүс, жуулчдын сонирхоход тус дөхөм үзүүлэхий төлөө өнөө Бээжингийн цэцэрлэгт хүрээлэн, биеийн тамирын ордон талбайд тайжичуань дасгалжуулах цэг ажиллуулж бий. \Урангоо орчуулж бэлтгэв\