Морин хуур ер нь нийт монголын ганц хөгжим гэлтэй гэдэг боловч баруун зүгийн монголчуудын хувь товшуур хөгжим илүү дэлгэрч уламжилж ирсэн түүхтэй. Гэсэн ч сүүлийн үед Хятадын олон газрын монголчуудын харилцаа солилцоо өргөжиж, хүүхэд залуучууд бие биенээсээ сурах юм их болсон билээ. Энэ утгаараа Шинжяний олон газрын хүүхэд залуучууд морин хуурыг бас эвлүүлэн дарчих нь бас цөөнгүй харагдах болжээ. Энэ удаагийн наадамд оролцсон "Ойрад монгол- хүүхдийн морин хуурын хамтлаг"-гийн хүүхэд морин хуур сурч эхлээд арай жил болоогүй байгаа гэж энэ хамтлагийг дагуулсан багш нь Чи Линь гэдэг нэртэй Өвөр монголын жирим нутагтай залуу хэлж байлаа. Энэ залуу Хөх-хотод урлагийн сургууль төгсөөд Шинжянд очиж ажиллаж байгаа гэнэ. Тэгээд өөрийн дур бахаасаа тухайн нутгийн хүүхэд залуучуудад морин хуур зааж дасгаж, одоо тэрээр Шинжянд 400 гаруй морин хуурын шавьтай болсон гэж хэлж байлаа.