21-р зууны Хятад Америкийн бүх талын хамтын ажиллагааны харилцаа тогтоохын төлөө хамтран чармайхад санал нэгдэв

      Уулзалтын үеэр, Обама өнөөгийн дэлхийн үйл хэрэгт Хятад улс чухал үүрэг гүйцэтгэж байна гэж өндрөөр үнэлээд Америк Хятадын харилцааг эрчимжүүлэхийн чухлыг онцлов. Тэрээр хэлэхдээ, Америк Хятадын харилцаа бол дэлхийн хамгийн чухал хоёр талын харилцааны нэг мөн. Хоёр орон эдийн засгийн маш нягт харилцаатай төдийгүй олон улсын болон бүс нутгийн томоохон асуудлуудаар бишгүй олон хамтын ашиг сонирхолтой юм гэжээ.

      Тэрээр хэлэхдээ, Америк Хятадын харилцаа өнөө маш бүтээлч болсон, манай хоёр орны эдийн засгийн харилцаа ч маш эрч хүчтэй. Америк Хятадын харилцаа нь хоёр орны ард түмэнд маш чухал төдийгүй дэлхийн төрөл бүрийн өрсөлдөөн сорилтод хандахад ашигтай нөхцөл бий болгож өгнө гэж өөрөө илээр илэрхийлж өнгөрсөн төдийгүй мөн үүнд бат итгэлтэй байсаар байна гэжээ.

      Америк Хятадын харилцаа ирээдүйд нэн бат бэх болно гэдэгт итгэж байгаагаа Обама илэрхийлэв. Үүнийг нь дарга Хү Жиньтао сайшааж байгаагаа илэрхийлсэн бөгөөд Хятадын тал Америкийн талтай хамтаар чармайн хоёр орны харилцааг тасралтгүй нэн ихээхэн хөгжүүлэхэд бэлэн байна гэж илэрхийлжээ.

      Дарга Хү Жиньтао хэлэхдээ, Хятад Америкийн сайн сайхан харилцаа нь хоёр орон, хоёр орны ард түмний язгуур ашиг сонирхолд нийцэх төдийгүй Ази Номхон далайн бүс нутаг, дэлхийн энх тайван, тогтвортой байдал, хөгжил дэвшилд ч ашигтай юм. Америкийн талтай хамтаар Хятад Америкийн харилцааг нэн ихээхэн хөгжүүлэхэд Хятадын тал бэлэн байна. Өөрөө ч Ерөнхийлөгч Обаматай сайн сайхан ажлын харилцаа болон хувийн найрамдал тогтооход бэлэн байна гэжээ.

     Америкийн Засгийн газар нэг Хятад улсын бодлого хэрэгжүүлнэ гэж баттай амлаж, Хятад Америкийн гурван хамтарсан албан мэдээг баримтална. Америкийн тал Тайваний хоолойн хоёр эргийн харилцаа сайжрахыг сайшаан дэмжиж, нэн их ахиц хийхийг хүсэж байна . Төвд бол Хятадын нутаг дэвсгэрийн нэг хэсэг мөн. Америк "Төвдийг тусгаар тогтнуулах"-ыг дэмжихгүй гэж Обама илэрхийлэв.

     Хоёр орны төрийн тэргүүн бас Солонгосын хойгийн цөмийн асуудал, Ираны асуудал, Суданд хүмүүнлэгийн тусламж үзүүлэх, өмнөд Азийн байдал зэрэг асуудлыг зүй зохистой зохицуулахад хамтаар тус дөхөм үзүүлнэ гэж санал нэгдэв \Урангоо орчуулж, Пэрлаймаа хянав\