Хятадын Гирин – Зүүн хойд Азийн хөрөнгө оруулалт, худалдааны 5-р яармаг 9-р сарын 1-ний үдээс өмнө Гирин мужийн Чанчүнь хотод эхлэв. Хятад, Монголын дипломат харилцаа тогтоосны 60 жилийн ой тохиож байгаа цаг тохиолыг ашиглан, хоёр орны худалдааны хамтын ажиллагааг эрчимжүүлэн, хоёр орны эдийн засаг худалдааны хамтын ажиллагааг бүх талаар, өргөн хүрээнд, өндөр зэрэглэл, өндөр төвшинд хөгжүүлэхийн төлөө энэ яармагийн үеэр Хятад, Монгол хоёр орон Чанчүнь хотын Хурал үзэсгэлэнгийн төвд Монголын худалдааны өдөрлөг ажиллуулж, хоёр орны аж ахуйн нэгжүүдэд хамтын ажиллагааны гүүр тавьж өгсөн байна.
Монгол Улсын Гадаад хэргийн яам, Гадаад хөрөнгө оруулалтын газар, Уул уурхай нөөц баялгийн яам, Зам харилцаа тээвэр хот байгуулалтын яам, Хүнс хөдөө аж ахуй хөнгөн үйлдвэрийн яам, Үндэсний худалдаа үйлдвэрийн танхим зэрэг засгийн газрын холбогдох салбар тэрчлэн худалдаа үйлдвэрийн аж ахуйн нэгжүүдийн төлөөлөгч, Хятадаас Монгол Улсад суугаа Элчин сайдын яамны Худалдааны зөвлөх, Гирин мужийн засгийн газрын удирдах хүмүүс, мужийн шууд харьяа аж ахуйн нэгжүүд, дотоодын бусад муж хотын аж ахуйн нэгжүүдийн төлөөлөгчид худалдааны өдөрлөгийн арга хэмжээнд оролцов.
1 2 
Өдөр дутмын 
