2 дахь өдрийн аялал буюу Лүн Хү Шань уулнаа

      Эндхийн салчдын хувьд усан дээр "амьдардаг" мэт санагдлаа. Бидний суусан завины салч өвгөн гэхэд энэ голын салчаар 22 жил ажиллаж байгаа гэнэ. Голоор зугаалж явахад арай жижиг салтай 2 эмэгтэй бидэн рүү дөхөж ирсэн нь "усан дээрх супермаркет"-ын эзэд гэнэ. Тэд усаар аялж яваа жуулчдад чанасан өндөг, ундаа зэргийг худалдаалдаг юм байна. Бид юм авахгүй гэсэнд тэд сурамгай сэлүүрдсээр холдон одлоо. Жуулчдын улирлын үеэр яг нэг замаараа өдөрт 4 удаа аялах хэрэг ч гардаг гэж тэрээр өгүүлж байна. Юутай ч байгалийн үзэсгэлэнт Лүн Хү Шань, Лүши гол түүнд амьдрах эрч хайрладаг бололтой.