Олон улсын банк санхүүгийн хямралын тухай Ян Жечи хэлэхдээ, олон оронтой хамтаар хямралыг аргацаахад Хятад улс бэлэн байна. Улс оронтой макро эдийн засгийн бодлогыг зохицуулах талаарх хамтын ажиллагаагаа эрчимжүүлж, банк санхүүгийн зах зээлийг тогтвортой байлгаж, шаардлагатай олон улсын банк санхүүгийн тогтолцоо болон банк санхүүгийн хяналт удирдлагын системд өөрчлөлт оруулахын төлөө чармайх болно. Талуудын хамтын хүчин чармайлтаар Лондоны дээд хэмжээний хурал нааштай үр дүнд хүрнэ гэдэгт Хятадын тал итгэж байна гэжээ.

     Гадаад харилцааны тухай авч ярих үед Ян Жечи хэлэхдээ, Хятад улс болон Америкийн шинэ засгийн газар хоорондын харилцааны эхлэл гараа сайн байна. Америкийн талтай хамтаар чармайж, Хятад Америкийн харилцааг байнга ахиулахад Хятадын тал бэлэн байна. Хятад ОХУ-ын харилцааны сүүлийн үеийн хөгжил хүмүүсийн анхаарлыг маш их татаж байна. Хятадын тал Хятад ОХУ-ын харилцааг цаашид бэхжүүлнэ гэжээ. Хятад Японы харилцаанд зарим асуудал оршиж байгаад холбогдуулан Ян Жечи хэлэхдээ, Хятад Япон хоёр тал хүнсний зүйлийн аюулгүйн асуудлаар өнө удаан хамтран ажиллах механизм тогтоох ёстой бөгөөд Дорнод тэнгисийн асуудал дээр нэгэнт тохиролцсон зарчимт нийтлэг ойлголтоо мөрдөн сахих ёстой гэжээ.