Хятадын Төрийн Зөвлөлийн Ерөнхий сайд Вэнь Жябао, Японы Ерөнхий сайд Абе Шинзо 12-ны өдөр Японы Япон, Хятадын найрсаг байгууллагын зохион байгуулсан Хятад, Японы харилцаа хэвийн болсны 35 жилийн ойн хүлээн авалт болон Хятад, Японы соёл спортын харилцааны жилийн Хятадын талын нээлтийн ёслолд оролцов.

      Хятад, Японы ажиллагааг сайжруулан хөгжүүлэхэд хоёр орны засгийн газрын хүчин чармайлт, улс төрчдийн шийдвэрт түшиглэх хэрэгтэй хэдий ч Хятад, Япон хоёр орны найрамдлын үндэс суурь нь ард иргэдийн дунд байгаа болохоор ард түмний сэтлэл зүрхэн дэх найрамдал бол мөнхийн найрамдал юм гэж Вэнь Жябао хүлээн авалт дээр илэрхийллээ. Абе Шинзо хэлэхдээ, хэлэлцээний явцад би Ерөнхий сайд Вэнь Жябаотай олон талын чухал нийтлэг ойлголтод хүрлээ, хоёр орны харилцаа Япон, Хятадын стратегийн харилцан ашигтай харилцаа тогтоох чиглэлээр шинэ алхам хийснийг энэ нь харуулж байна гэжээ. Хятадын талтай хамтаар Япон, Хятадын харилцааны хөгжилд бүх хүчин чадлаа зориулна гэж тэрээр илэрхийллээ.