Япон, Хятадын харилцаа хэвийн болсны 35 жилийн ойг тэмдэглэхийн тулд, Япон, Хятад хоёр орны засгийн газар Япон, Хятадын соёл спортын харилцааны жилийн арга хэмжээг зохион явуулахаар шийдсэн юм. Мөн өдөр, Вэнь Жябао болон Абе Шинзо нар Хятад, Японы соёл спортын харилцааны жилийн Хятадын талын нээлтийн ёслолд хамт оролцсон байна. Хоёр удирдагч үг хэлж, соёл бол хоёр орны харилцааны холбоос юм, соёлын солилцоогоо нэмэгдүүлэх нь хоёр орны найрсаг харилцааны хөгжлийг ахиулахад тустай юм гэж санал нэгтэй илэрхийллээ. Хятад, Японы соёл биеийн тамир спортын харилцааны жилийн арга хэмжээ бүрэн дүүрэн амжилтад хүрэхийг тэд нар хамтаар хүсэн ерөөсөн байна.

      Мөн өдрийн үдийн өмнө, Вэнь Жябао Японы Парламентад "Найрамдал, хамтын ажиллагааны төлөө" гэсэн лекц уншсан байна. Ерөнхий сайд Вэнь Жябаогийн хэлсэн үгийг Японы улс төрийн намууд өндрөөр үнэлсэн байна гэж "Асахи шимбун" сонин зэрэг Японы сонин хэвлэл тэмдэглэжээ. \Алтаннавч орчуулж, Цэцэн хянав\