Палестины Ерөнхийлөгч АНУ-ын аюулгүй байдлын туслахыг хүлээн авч уулзав
2021-12-23 10:03:03
Share
Share this with Close
youtube WeChat

Орон нутгийн цагаар 22-ны орой Палестины ерөнхийлөгч Аббас, Иордан голын баруун эргийн Рамалла хотод айлчилж буй Америкийн ерөнхийлөгчийн үндэсний аюулгүй байдлын асуудал эрхэлсэн туслах Салливантай уулзаж, хоёр тал Палестин-Израилийн асуудал, Палестин-Америкийн харилцааны талаар хэлэлцсэн байна.

Палестины мэдээллийн агентлагийн мэдээлснээр, Аббас уулзалтын үеэр Палестины асуудлаарх сүүлийн үеийн хөгжлийг танилцуулж, Палестины газар нутгийг Израиль эзлэн түрэмгийллийг зогсоох, оршин суугчдын үйл ажиллагаа болон тэдний дайсагналыг зогсоох, Ариун газар болох Иерусалимын түүхэн статусыг чухал чанарыг хүндэтгэх зэргийг онцолжээ. Тэрээр хэлэхдээ, Израиль "хоёр улсын шийдэл"-ийг дангаар эвдэхээ зогсоож, олон улсын хууль ёсны тогтоолын дагуу Дундад Дорнодын энхийн үйл явцыг дахин эхлүүлэх ёстой гэжээ.

АНУ "хоёр улсын шийдэл"-ийг баримталж байгааг Салливан уулзалтын үеэр дахин нотлоод, бүх талууд Дундад Дорнодод энх тайван, тогтвортой байдлыг бий болгохын тулд хамтаар хичээн зүтгэх ёстой хэмээн мэдэгдэв.

Салливан мөн өдөр Израилийн Батлан хамгаалахын сайд Ганцтай хоёр орны стратегийн хамтын ажиллагааны асуудлыг хэлэлцсэн байна.