12-р сарын 31-нд болсон Хятадын ГХЯ-ны хэвлэлийн бага хуралд, саяхан Монгол улсын ерөнхий сайд Л.Оюун-Эрдэнэ чуулганы хуралдааны үеэр, олимп бол хүн төрөлхтний баяр бөгөөд улс төрөөс ангид байх ёстой. Монгол улс Бээжингийн өвлийн олимпыг дэмжиж байна, тэрээр биечлэн оролцохоо мэдэгдсэн тухай эх сурвалжид мэдээллээ. Энэ талаар Хятад улс ямар байр суурьтай байгаа юм бэ гэж сэтгүүлч асуулаа.  

Үүнтэй холбогдуулан Жао Лижянь хэлэхдээ, Хятад, Монгол орон нь хаяа залган оршдог найрсаг хөрш. Сүүлийн жилүүдэд хоёр орны харилцаа эрүүлээр хөгжиж, улс төрийн харилцан итгэлцэл, найрамдал гүнзгийрсээр байгаа бөгөөд ажил хэрэгч хамтын ажиллагаа баялаг үр дүнд хүрсэн юм. Монгол улсын ерөнхий сайд Л.Оюун-Эрдэнэ Хятад улсад  хүрэлцэн ирж  Бээжингийн өвлийн олимпод оролцоно гэдгээ хамгаас эрт мэдэгдсэн гадаадын удирдагчдын нэг юм. Бид чин сэтгэлээсээ угтаж байна. Мөн Монгол улс Бээжингийн олимпыг дэмжиж буйг сайшааж байна. Олимпын үзэл баримтлал нь нөхөрлөл, ойлголцол, эв нэгдэл, шударга ёс билээ. Талуудын хамтын хичээл зүтгэлээр, Бээжингийн өвлийн олимп бүрэн амжилтад хүрч, улс хоорондын нөхөрлөлийг зузаатгаж, олон улсын хамтын нийгэмлэгийн эв нэгдэл, хамтын ажиллагааг бэхжүүлнэ гэдэгт бүрэн итгэлтэй байна гэжээ.