Хятад улсын Үндэсний усан сэлэлтийн төв “Усан шоо” бол 2008 оны Бээжингийн зуны олимпын бэлгэ тэмдгийн чанартай ордон талбай гэдгийг хэн ч андахгүй мэдэх байх. Тэгвэл энд усан сэлэлт, усанд үсрэлт, уран сайхны сэлэлт зэрэг тэмцээний төрлүүд зохион байгуулагдаж байсан юм. Харин удахгүй Бээжингийн өвлийн олимп, өвлийн паралимпын үеэр энд керлинг, тэргэнцэртэй керлингийн тэмцээн зохиогдох бол өдгөө тус ордны шинэчлэлт, тохижуулалт дууссанаар “Мөсөн шоо” болсон аж.
“Мөсөн шоо” бол өвлийн олимпын түүхэн дэх керлингийн тэмцээний хамгийн том ордон болох бөгөөд усны болон мөсний спортын төрлийг бүгдийг нь зохион байгуулах нөхцөлтэй хос олимпын цорын ганц цогцолбор юм. Түүнчлэн усан бассейн дээр керлингийн зам тавьсан дэлхийн анхны тохиолдол болно.
Үндэсний усан сэлэлтийн төв - “Усан шоо”, “Мөсөн шоо” .
2016 оноос Үндэсний усан сэлэлтийн төв нь тэмцээний талбайн бүтцээ өөрчилж, агааржуулагчаар чийг арилгах, гэрэлтүүлэг, эрчим хүч хэмнэлт, архитектурын акустик зэрэг таван зүйлийн судалгаа хийсэн байна.
2022 оны Бээжингийн өвлийн олимпын керлингийн тэмцээний талбай
Өвлийн олимп өндөрлөсний дараа Үндэсний усан сэлэлтийн төвийн уулын байсан спортын тэмцээнүүд, аялал жуулчлал, олон нийт спортын дасгал сургууль, үзэсгэлэн зэрэг ерөнхийлсөн үйл ажиллагааны төлөвлөгөөний дагуу шаардлагатай үед усны болон мөсний спортын тэмцээнд сольж ашиглаж болох юм. Иймд хавар, зун, намартаа “Усан шоо”, өвөлдөө“Мөсөн шоо” болно.
Бээжин хотын сурагчид “Мөсөн шоо"-д керлингийн спорттой танилцаж байгаа нь
\Уртнасан.\