Синьхуа агентлагийн мэдээ, Хятадаас НҮБ-д суугаа суурин төлөөлөгч Жан Жүнь 25-нд НҮБ-ын аюулгүйн зөвлөлийн хотын дайны явцад эгэл иргэдийг хамгаалах асуудлаарх нээлттэй мэтгэлцээнд хэлэхдээ, олон орнууд болон мөргөлдөгч талууд Бээжингийн өвлийн олимп болон пара олимпын үеэр дайн зогсоох тогтоолыг үнэнхүү журамлан сахиж, Бээжингийн өвлийн олимпын наадмаар гараа болгож, яриа хэлэлцээгээр санал зөрөлдөөнөө багасгаж, сөргөлдөөнөө зогсоож хамтын ажиллагаа өрнүүлэхийг Хятадын тал уриалж байна гэжээ.

Жан Жүнь хэлэхдээ, гал зогсоох нь улс төрөөр зохицуулах анхны алхам юм. Өнгөрсөн оны 12-р сард НҮБ-ын чуулган Бээжингийн өвлийн олимпын үеэр дайн зогсоох тогтоолыг санал нэгтэй баталж, үүнд 173 орон оролцож санал өгсөн байна. Энэ нь олон улсын хамтын нийгэмлэг мөргөлдөгч талуудын гал зогсоохыг хүсэж буй улс төрийн нийтлэг ойлголтыг дахин харуулж буй юм. Олон орон болон мөргөлдөгч талууд дайн зогсоох тухай энэ уламлал болон ерөнхий ассамблейн тогтоолыг үнэнхүү журамлан сахиж, Бээжингийн өвлийн олимпын наадмаар гараа болгож, яриа хэлэлцээгээр санал зөрөлдөөнөө багасгаж, сөргөлдөөнөө зогсоож хамтын ажиллагаа өрнүүлж, олон улсын хамтын нийгэмлэгийн энх тайвныг биелүүлж, эв санаа нэгдэн, зовлон жаргалаа хамтатгаж ирээдүйдээ хандах шийдвэр зоригийг харуулж байгаа юм гэжээ.

 Жан Жүнь хэлэхдээ, мөргөлдөөнийг арилгахын үндэс нь үүрдийн энх тайван тогтоох үндсэн бодлого арга зам мөн гэжээ.