Америкийн Цагаан ордны Үндэсний аюулгүй байдлын асуудал эрхэлсэн туслах Далип Сингх, Их Британийн Гадаад хэргийн сайд Элизабет Трасс, ОХУ-ын Гадаад хэргийн сайд Сергей Лавров нар сүүлийн өдрүүдэд Энэтхэгт ээлж дараалан айлчилж байна.

Орос Украины мөргөлдөөн эхэлснээс хойш Энэтхэг улс яриа хэлэлцээ, дипломат арга замаар шийдвэрлэхийг дэмжиж, барууны хориг арга хэмжээнд нэгдээгүй, Оросын нефтийг үргэлжлүүлэн худалдан авч буй бөгөөд НҮБ-ын Аюулгүйн зөвлөлийн санал хураалтад Оросын талаарх АНУ-ын дэвшүүлсэн саналд түдгэлзсэн санал өгч, барууны орнуудын шүүмжлэлийг хүлээж байна. Нөгөө талаар, Энэтхэг Орос болон барууны орнуудтай нэгэн зэрэг харилцаагаа хадгалахыг эрмэлзэж байгаа тул тэр нь хоёр талын ялалтын бай болж байна.

Энэтхэгийн “Хиндустан таймс сонин” 1-ний өдөр мэдээлснээр, Сингх 3-р сарын 31-ний өдрийн хуралдааны завсарлагааны үеэр хэвлэл мэдээллийнхэнд ярилцлага өгөхдөө Энэтхэгийн талд хандан: Хэрэв аль нэг улс Оросын эсрэг Америкийн хориг арга хэмжээг тойрч гарахыг оролдож, ОХУ-ын Төв банктай худалдаагаа үргэлжлүүлэх юм бол "үр дагаварыг өөртөө хүлээх болно". Тэрээр цаашид тодорхой тайлбар хийгээгүй.

Сингхийг 3-р сарын 31-нд Энэтхэгт хийх айлчлалаа өндөрлөх шөнө ОХУ-ын Гадаад хэргийн сайд Сергей Лавров Шинэ Делид хүрэлцэн ирсэн бөгөөд 4-р сарын 1-нд Энэтхэгийн Гадаад хэргийн сайд Жайшанкартай хэлэлцээ хийж, мөн Ерөнхий сайд Нарендра Модитой уулзана.

Энэтхэг, Оросын найрсаг харилцаа ЗХУ-ын үеэс үргэлжилсээр ирсэн бөгөөд Энэтхэг бол Оросын зэвсгийн томоохон худалдан авагч юм.