Орон нутгийн цагаар 4-р сарын 2-нд, Их Британийн Лондон, Бирмингем, Кардифф хотуудад олон мянган хүн эрчим хүчний үнийн огцом өсөлтийг эсэргүүцсэн жагсаал зохион байгууллаа.

Жагсаал зохион байгуулагчид "Амьжиргааны өртгийн хямралаас үүдэлтэй олон нийтийн уур бухимдал хурдацтай нэмэгдэж, олон нийтийн хариу арга хэмжээ нэмэгдэж байна" гэж мэдэгджээ.

Их Британийн Үйлдвэрчний эвлэлийн конгресс зэрэг байгууллагууд эрчим хүчний үнийн огцом өсөлт, инфляци, бага цалин зэрэг нь энгийн иргэдийн амьдралыг улам хүндрүүлж болзошгүй бөгөөд эрчим хүчний үнийн өсөлтөд санаа зовж буйгаа илэрхийлжээ.

4-р сарын 1-нд, Их Британийн засгийн газар эрчим хүчний үнийн дээд хязгаарыг мэдэгдэхүйц нэмэгдүүлж, айл өрхүүдийн хий, цахилгааны дундаж төлбөр жилд 1970 стерлингийн фунт (ойролцоогоор 16 мянга 800 юань) болж нэмэгдэв. 10-р сард айл өрхийн эрчим хүчний дундаж үнэ цаашид 2600 стерлингийн фунт (ойролцоогоор 22 мянган юань) болж өсөх магадлалтай гэж мэдээлж байна.