Хятад улсын дарга Ши Жиньпин 10-ны үдээс хойш Хайнань мужийн Санья хотод байрлах Хятадын Тэнгисийн их сургуулийн Саньяа дахь далай судлалын хүрээлэнтэй танилцаж, Хайнань мужийн тэнгисийн шинжлэх ухаан, технологийн хөгжлийн байдалтай танилцав.

Хайнань муж нь Хятад улсын далай тэнгисийн нутаг дэвсгэрийн гуравны хоёрыг эзэлдэг бөгөөд далайн гүн рүү нэвтрэх, далайн гүнд хайгуул хийх, далайн гүнийг хөгжүүлэх зэрэг технологийг хөгжүүлэх өвөрмөц нөхцөлтэй юм.

Ши Жиньпин далайн гүрний бүтээн байгуулалтыг дээд хэмжээгээр чухалчилан үзэж, далай тэнгисийн шинжлэх ухаан, технологийг хөгжүүлэн, далайн гүн дэх шинжлэх ухаан технологийн судалгааг эрчимжүүлж, "ухаалаг далай"-н бүтээн байгуулалтыг ахиулан, Хайнань мужийг тэнгисийн хүчирхэг муж болгохыг хүсэж байна.

Хятадын Тэнгисийн Их Сургуулийн Саньяа дахь Далай судлалын хүрээлэн нь "далайн гүн" ба "халуун бүс" чиглэлээр голлож, үндэсний томоохон стратеги болон Хайнанийн бүс нутгийн онцлогт анхаарлаа хандуулж, дэлхийд хамгийн том "агаар-сансар-газар-тэнгис" гэсэн нэгдсэн бүс нутгийн далайн ажиглалтын систем буюу "Хятадын өмнөд тэнгисийн олон хэмжээст ажиглалтын сүлжээ"-г байгуулж, "Хятадын өмнөд тэнгисийн их өгөгдлийн төв"-ийн бүтээн байгуулалтыг удирдан хийжээ. Энэ нь үндэсний тэнгисийн аюулгүй байдал, нөөцийг хөгжүүлэх, гамшгаас урьдчилан сэргийлэх, бууруулах, тэнгисийн эдийн засагт чухал үүрэг гүйцэтгэж байгаа юм.