Украины Интерфакс агентлагийн мэдээлснээр, орон
нутгийн цагаар 24-ний өдөр Америкийн хүнд даацын тээврийн нисэх онгоцууд Украины
хилээс 90 километрийн л зайд орших Польшийн Ржешов хотод хүрчээ. Нэг хоногийн
дотор дор хаяж 6 онгоц газардсанаас АНУ-ын агаарын цэргийн С- 17А цэргийн
тээврийн 2 нисэх онгоц болон АНУ-ын Пентагоны түрээслэн хэрэглэж буй хэд хэдэн
Боинг 747 тээврийн онгоц бий.
АНУ-ын Ерөнхийлөгч Жо Байден 4-р сарын 21-нд,
АНУ Украинд 800 сая ам.долларын аюулгүй байдлын нэмэлт тусламж үзүүлнэ гэж
байлаа.
АНУ-ын арми Польшийн Ржешов хотод цэргийн нисэх онгоцны буудал,
цэргийн баазтай юм. Орос Украины мөргөлдөөний дараа АНУ тэргүүтэй НАТО-гийн
орнууд Польшоор дамжин, хуурай замаар Украинд цэргийн тусламжийн бараагаа
тээвэрлэсээр байна. Үүнтэй холбогдуулан Оросын тал Украинд зэвсэг нийлүүлж буй
АНУ, НАТО-гийн тээврийн хэрэгслийг хууль ёсоор цэргийн цохилт өгөх бай болгохоо
олон удаа онцолжээ.