ӨМӨЗО-ны Улаанхад хотын Хишигтэн хошуугаар нутагтай Гэрэлтийн Хүдэр 2014 онд Компьютерын дээд сургуулийг дүүргэж, 2018 онд Өвөр Монголын Багшийн их сургуулиас Магистрын зэрэг хамгаалаад Ханжөү хотод хүрч ажиллажээ. Хөгжил ихтэй хотод хүрч шинэлэг, дэвшсэн дизайны урлагтай танилцан, нүд нээж мэдлэг хуримтлуулсан тэрээр төрсөн нутагтаа буцаж, орон нутгийн брэнд, бараа бүтээгдэхүүний дизайны хөгжилд хувь нэмрээ оруулья хэмээх хүсэлдээ хөтлөгдөн 2020 онд Өвөр Монголдоо буцан иржээ.