БНСУ-ын Ерөнхийлөгч Юн Сук Ёл есдүгээр сарын 18-наас эхлэн Их Британи, Америк, Канадад долоо хоногийн айлчлал хийнэ хэмээн БНСУ-ын Үндэсний аюулгүй байдлын албаны дарга Ким Сон Хан энэ сарын 12-нд хэвлэлийн бага хурал хийж мэдэгдлээ. Энэхүү айлчлал нь язгуур үнэт зүйлтэй түнш орнуудтай хамтын ажиллагаагаа бэхжүүлж, эдийн засгийн дипломат харилцааны үндсийг өргөжүүлэх зорилготой юм.

Ёнхап агентлагийн мэдээлснээр, Юн Сук Ёлийн айлчлалын анхны цэг нь Лондон хот бөгөөд тэрээр 19-ний өдөр хатан хаан Елизавет II-ын оршуулгын ёслолд оролцож, Британийн ард түмэн болон хааны гэр бүлийнхэнд эмгэнэл илэрхийлнэ. Мөн оршуулгын ёслолын үеэр Лондонд барууны орнуудын удирдагчидтай уулзаж, олон улсын хамтын нийгэмлэгтэй хамтран ажиллах боломжийг судална. Түүнчлэн 20-ны өдөр Америкт болох НҮБ-ын Ерөнхий ассамблейн чуулганд оролцож, дээд түвшний үндсэн илтгэлийн хэсэгт үг хэлж, Өмнөд Солонгос дэлхийн манлайлагч орны хувьд гүйцэтгэх ёстой үүргээ санал болгоно гэжээ. Тэрээр Хойд Солонгосын бодлогын чиг шугамын "зоригтой алсын хараа"-ны талаар илүү дэлгэрэнгүй тайлбар хийх эсэх талаар хүмүүс анхаарч байна.

Өмнөд Солонгос ба Америк, Өмнөд Солонгос ба Канадын удирдагчдын яриа хэлэлцээ хийгдсэн нөхцөлд Юн Сук Ёл, Жо Байдентай "Инфляцийг бууруулах тухай хуулийн төсөл"-ийн (IRA) дагаж мөрдөх журмын талаар ярилцаж, Жастин Трюдотой эдийн засгийн аюулгүй байдлын хамтын ажиллагааны тухай хэлэлцэнэ.