Германы Берлин хотноо "Берлиний аюулгүй байдлын бага хурал" хэмээн нэрлэгддэг Европын аюулгүй байдал, батлан хамгаалахын 21 дэх бага хурал хоёр өдрийн турш үргэлжлэв. Энэ оны хоёрдугаар сард Орос-Украины мөргөлдөөн эхэлснээс хойш Герман улс анх удаагаа олон улсын аюулгүй байдлын томоохон хурлыг зохион байгуулж байгаа нь энэ юм. Уулзалтад Германы Канцлер Шольц, НАТО-гийн Ерөнхий нарийн бичгийн дарга Йенс Столтенберг, Германы Батлан хамгаалахын сайд Ламбрехт, Норвегийн Батлан хамгаалахын сайд Грахам, Шведийн Батлан хамгаалахын сайд Йонссон, Финландын Батлан хамгаалахын сайд Кекконен, ЕХ-ны Цэргийн комиссын дарга Бриг нарын зэрэг улс төр болон цэргийн хүрээний ахлах төлөөлөгчид оролцов.

Шольц Герман улс Украиныг санхүү, улс төр, цэрэг, хүмүүнлэгийн чиглэлээр үргэлжлүүлэн дэмжинэ гэж мэдэгдээдд Орос-Украины мөргөлдөөнийг хэлэлцээрийн замаар зогсоохыг уриалав. Үүний зэрэгцээ тэрээр ОХУ-тай аюулгүй байдал болон пуужин байршуулах зэрэг тулгамдсан болон шийдвэрлээгүй асуудлуудыг хэлэлцэх хүсэлтэй байгаагаа илэрхийлэв.

НАТО-гийн Ерөнхий нарийн бичгийн дарга Йенс Столтенберг энэхүү санаачлагыг сайшааж, НАТО цагдаа болон цэргийн хүчийг үр дүнтэй зохицуулахын тулд зохицуулах алба байгуулж, Европын холбоо болон хувийн компаниудыг оролцуулна гэж мэдэгдэв.