Америк руу хууль бусаар нэвтэрсэн цагаач хүүхдийн тоо шинэ түвшинд хүрчээ. Эцэг эхийн хараа хяналтгүй  эдгээр хүүхдүүд Америкт ирээд хүүхэд хөдөлмөрлөхөд хориотой  ажил хийдэг байна.   Тухайлбал, мал нядалгааны газрын цэвэрлэгээ,  автомашины эд анги үйлдвэрлэл зэрэг өндөр эрсдэлтэй ажил хийдэг. Энэ мэтчилэн олон салбарт хүүхдийн хөдөлмөр шингэсэн гэж Нью Йорк Таймс  энэ  25-нд мэдээллээ.  

Эх сурвалжид мэдээлснээр, 2021 оноос  Америкт хүүхэд ажиллуулах явдал огцом нэмэгдсэн бөгөөд 2022 онд  тус улсад нэвтэрсэн насанд хүрээгүй хүүхдийн тоо 130 мянгад хүрсэн нь 5 жилийн өмнөхөөс гурав дахин өссөн үзүүлэлт юм.