Өнөөдөр болсон хэвлэлийн бага хурал дээр /3 сарын 2/  АНУ, Хятадын төрийн өмчит компаниудад хориг тавьж буйтай холбоотой сэтгүүлчийн  асуултад  тус улсын  ГХЯ-ны хэвлэлийн төлөөлөгч Мао Нин хариулахдаа "АНУ үндэсний аюулгүй байдал, өөрсдийн дүрэм журам гэдгээ зоргоор ашиглан, өөр бусад улсын компаниудад хориг тавьж байгааг Хятад улс эрс эсэргүүцэж байна. Америкчууд зах зээлийн эдийн засаг, шударга өрсөлдөөний зарчмыг  мөрдөж, бусад улсын аж ахуйн нэгжүүдэд дарамт үзүүлэхээ зогсоож, тус улсад хөрөнгө оруулсан  бизнес эрхлэгчдийг нээлттэй шударга, ялгаварлан гадуурхалтгүй орчноор хангах ёстой" гэжээ.