Өчигдөр, 6-р сарын 14-ний өдөр Эрээн хотын авто замын ачаа тээврийн боомт хөл хөдөлгөөн ихтэй байлаа. Эрээн хотын хилийн шалган нэвтрүүлэх өртөөний "Барааны тээврийн хэрэгслийн зориулалтын гарц"-аар комбайн, ачигч, трактор зэрэг тээврийн хэрэгсэл нэвтрүүлсэн байна.

Тус өртөөний гаргасан статистикээс харвал, он гарсаар 63 мянган автомашин нэвтэрч, өнгөрсөн оны мөн үеэс 1.7 дахин нэмэгджээ. Хоёр хоногийн өмнө, 13-ны өдөр уг өртөөний авто замын ачаа тээврийн боомтоор 676 ачааны машин орж, гарсан нь шинэ амжилт боллоо.

Орж ,гарч буй ачааны машины урсгал нэмэгдэж байгаа тул Эрээн хотын боомт "Хөдөө аж ахуйн болон дагалт бүтээгдэхүүний ногоон гарц", "Арилжааны тээврийн хэрэгслийн тусгай гарц" зэрэг гаалийн бүрдүүлэлтийн арга хэмжээ авч, гаалийн бүрдүүлэлтийн баталгаатай тээврийн хэрэгслийг ирсэн даруйд нь шалган гаргаж байна. Бүртгэл мэдүүлгийн ажил үүргийг багасгаж, боомтоор орж гарахыг шуурхайлснаар аж ахуйн нэгжүүдэд өндөр чанартай, үр ашигтай гаалийн бүрдүүлэлт хийх орчин бүрдүүлж, орон нутгийн эдийн засгийн хөгжлийг түргэтгэж байна.   \Ганаа\