Азийн спортын наадамд оролцох Тайландын 15 хүний бие бүрэлдэхүүнтэй сэлүүрт завийн багийн дасгалжуулагч, тамирчид өчигдөр Бангкокоос Ханжөү хотын Шяошань олон улсын нисэх буудалд хүрч, Азийн наадмын тусгай сувгаар гаалийн бүрдүүлэлтээ шуурхай хийсэн байна. Энэ бол Ханжөүгийн Азийн спортын наадамд оролцох гадаадын тамирчдын анхны баг юм.

Ханжөүгийн нисэх онгоцны буудлын гаалийн бүрдүүлэлтийн ажлыг баталгаажуулж, гаалийн бүрдүүлэлтийн туршлагыг сайжруулахын тулд Ханжөүгийн гаалийн харьяан дахь Ханжөүгийн Шяошань нисэх онгоцны буудлын гаалийн газар Азийн спортын наадмын тусгай сувгийг ажиллуулсан байна. Гаалийн хяналт шалгалт, хорио цээрийн бүсэд хяналт шалгалтын 6 ухаалаг хаалгыг эмх цэгцтэй байрлуулжээ.

Ханжөүгийн Шяошань нисэх онгоцны буудлын гаалийн газрын орлогч дарга Шэнь Рүөчуань хэлэхдээ, Ханжөүгийн Азийн спортын наадамд оролцох эхний баг тамирчид хилээр нэвтрэх зөвшөөрөл авснаар гаалийн бүрдүүлэлтийн баталгааны үйлчилгээний ажил бодит үе шатандаа орлоо. 9-р сард Ханжөүгийн нисэх онгоцны боомт Азийн спортын наадад оролцох тамирчдыг хүлээн авах оргил үеэ угтах болно гэжээ.