9-р сарын 11-нд "Органик бүтээгдэхүүн шинэ эрч хүч сэлбэдэг" уриан дор 2023 оны Шичүн дахь Азийн органик аж үйлдвэрийн инноваци, хөгжлийн хурал албан ёсоор нээлтээ хийлээ. Дотоод гадаадын олон салбарын 300 гаруй зочид Хятадын Сычуань мужийн Наньчүн хотын Шичүн дүүрэгт хуран цугларч, органик аж үйлдвэрийн хөгжлийн төлөвлөгөөг хэлэлцэв.

Нээлтийн ёслол дээр Хятадын Шичүн дахь Органик хөдөө аж ахуйн судалгааны хүрээлэнг албан ёсоор нээлээ. Үүний зэрэгцээ, бага хурлаас үндэсний өндөр чанартай (органик) хөдөө аж ахуйн бүтээгдэхүүний брэнд санаачилга гаргав. Санаачилгад хэвийн, стандартчилагдсан харилцааны механизмыг бий болгохыг судалж, салбарын нөөцийг хуваалцах, солилцоо, хамтын ажиллагаагаа сайжруулж, засгийн газар, аж үйлдвэр, нийгмийн зөвшилцөл, хамтын хүчин чармайлтыг нэгтгэн, органик үйлдвэрлэлийн өндөр чанартай хөгжлийг хамтдаа дэмжих тухай онцолжээ.

Одоогийн байдлаар Шичүн нь 270 мянган га талбайд 109 органик үйлдвэрлэлийн бааз байгуулж, 105 сорт органик баталгаажуулалтад хамрагдаж, органик хөдөө аж ахуйн жилийн нийт үйлдвэрлэлийн хэмжээ 3 тэрбум 500 сая юаньд хүрчээ.