9-р сарын 23-ны орой Ханжөү хотноо Азийн 19-р наадам нээлтээ хийлээ. Ханжөүгийн Азийн наадмын дэвшилтэт ухаалаг технологи, иж бүрэн техник хангамж, тав тухтай орчин, халуун зочинсог үйлчилгээ зэрэг нь тамирчид, төлөөлөгчдийн талархлыг хүлээж байна.

Филиппиний баг төлөөлөгчдийн тэргүүн, Филиппиний олимпийн хорооны дарга Абрахам Толентино "Техник хангамжийн хувьд Ханжөүгийн Азийн наадам өнөөг хүртэл хамгийн шилдэг нь болж байна. Тамирчдын тосгон иж бүрэн тоног төхөөрөмжтэй, газар болгон өндөр технологийн элементүүд харагдаж байна".

Афганистаны Ушу гимнастикийн шигшээ багийн тамирчин Мухаммад Халид Хотак 2010 онд Гуанжөүгийн Азийн наадамд оролцож байсан бол өнөө дөрөв дэх удаагаа Хятадад ирж байгаа юм. "Арав гаруй жилд Хятад улс эрчимтэй хөгжиж, эрч хүчээр дүүрэн байгааг би мэдэрч байна". "Энэ удаа Ханжөү хотод ирсэндээ маш их баяртай байна. Ханжөү бол баялаг түүх соёлтой, онцгой үзэсгэлэнтэй хот юм. Ханжөүгийн ард түмэн маш халуун дотно, зочломтгой хүмүүс, энэ нутаг маш таалагдаж байна.”