Ханжөү хотноо болох Азийн IV пара наадам энэ сарын 22-28-ны өдрүүдэд зохиогдож, Азийн 45 улс, бүс нутгийн 3800 орчим хөгжлийн бэрхшээлтэй тамирчид оролцох юм. Азийн пара наадмыг амжилттай явуулахын тулд саадгүй байгууламжийг сайжруулж шинэчлэх нь урьдчилсан бэлтгэл ажлын гол анхаарах зүйл болжээ.

 Тэмцээн болох газар бүрт хөгжлийн бэрхшээлтэй хүмүүст зориулсан саадгүй суудал бий. Байшингийн лифтээр явахад товчлуурт хараагүй хүмүүст зориулсан бичиг буй. Мөн ариун цэврийн өрөөнд ороход хятад, англи хэлээр дуут санамж явуулдаг тул "дууг сонсож байрлалаа тодорхойлох" боломжтой. Доор байрлуулсан товчлуур, бариул, шатгүй налуу зам, хараагүй хүнд зориулсан зам, гэр зэрэг тусгай зориулалтын бүх зүйл бэлэн боллоо.

Азийн паралимпийн хотхонд тав тухтай нөхцөл бүрдүүлэхийн тулд 1100 орчим саадгүй ор, хүнд хэлбэрийн хөгжлийн бэрхшээлтэй тамирчдад зориулж өндөрсөж, намсах ор тавьж тоногложээ. Мөн өрөө бүрт яаралтай тусламжийн дуудлагын товчлуур, мөргөлдөхөөс хамгаалах зурвас, ирмэггүй дугуй тавилга байрлуулсан. Нийтийн хоолны газруудад тэргэнцэртэй хүмүүст зориулсан хоолны газар, саадгүй хоолны газар зэрэг төрөл бүрийн үйлчилгээ үзүүлж байна.