Өнөөдөр, 22-ны үдээс хойш, Азийн Паралимпын хороо, Ханжөүгийн Азийн пара наадмын зохион байгуулах хороо хамтран хэвлэлийн бага хурал хийлгэж, Ханжөүгийн Азийн 4 дэх пара наадмын ажил төрлийн холбогдох мэдээллийг танилцууллаа. Өнөөгийн байдлаар уг наадмын бэлтгэл ажил дууссан байна. 

Ханжөүгийн Азийн пара наадмын хэвлэлийн төлөөлөгч Чэнь Вэйчян танилцуулахдаа, уг наадам нь 22 их төрөл, 397 бага төрлийн тэмцээн зохион байгуулж байгаа бөгөөд 44 улс орон, бүс нутгийн 3100 тамирчин, төлөөлөгчдийн багийн 2090 албан хаагчаар бүрдсэн нийт 5200 хүн оролцох юм. Ханжөүгийн Азийн пара наадмын тэмцээн уралдааны тасалбар худалдагдаж эхэлсэн бөгөөд өчигдрийн байдлаар 326 мянган тасалбар борлуулагдаж, тасалбарын нийт орлого 7 сая 476 мянган юаньд хүрсэн байна гэжээ.