Өнөөдөр, 10 дугаар сарын 22-ны үдээс хойш Азийн Паралимпын хороо, Ханжөүгийн Азийн пара наадмын зохион байгуулах хороо хамтран хэвлэлийн бага хурал хийлгэж, Ханжөүгийн Азийн 4 дэх пара наадмын төрөл бүрийн ажлын холбогдох мэдээллийг танилцуулав.

Ханжөүгийн Азийн 4 дэх пара наадамд байт харваа, хөнгөн алтлетик зэрэг 22 том төрөл, 564 бага төрөл тэмцээн явагдана. Хятад улсын 723 хүний бүрэлдэхүүнтэй спортын баг төлөөлөгчид оролцохын дотор эрэгтэй 221, эмэгтэй 218, нийт 439 тамирчин байна. Эдгээр тамирчид Хятад улсын 31 муж, өөртөө засах орон, шууд харьяа хотоос ирсэн бөгөөд дундаж нас 26.5 байна. Насаар хамгийн ахимаг нь ширээний теннисний тамирчин Гао Яньмин 58 настай бол олон улсын шатрын тамирчин 13 настай Ян И-шао бол насаар хамгийн бага нь юм. Хятадын спортын төлөөлөгчдийн баг бүх 22 их төрөл, 397 бага төрөл тэмцээнд оролцох болно.

Хятадын Паралимпын хорооны нарийн бичгийн дарга, Хятадын төлөөлөгчдийн багийн орлогч дарга Жао Сужин хэвлэлийн бага хуралд танилцуулахдаа, Ханжөүгийн Азийн 4 дэх удаагийн пара наадамд оролцох Хятадын спортын төлөөлөгчдийн баг 10 дугаар сарын 11-нд албан ёсоор байгуулагдаж, 15, 16-нд Азийн пара наадмын хотхонд орж байршиж, тамирчид тогтоол ёсоор тэмцээний зэрэглэлээ бүртгүүлж, 22 төрөл тэмцээнд оролцох тамирчид тэмцээний 8 бүс, тэмцээний 19 ордон талбайд бэлтгэл хийж байна. 10 дугаар сарын 19-нээс эхлэн тэргэнцэртэй сагсан бөмбөг, ширээний теннис, агаарын теннис, зүлгэн дээр бөмбөг шидэх зэрэг 5 төрөл тэмцээн эхэлсэн бөгөөд олон багууд маш сайн оролцож байна гэв.

Уртнасан