Метилмалоны хүчиллэг ба пропионы хүчиллэг өвчтэй хүүхдүүдийг "Нимбэгийн нярай" гэдэг байна. Ийм өвчтэй хүүхдийн бие махбодид идсэн уураг, өөхний хэсэг нь метаболизмд орж, хүчиллэг "хор" болж, тархи, мэдрэлийн систем, биеийн олон эрхтнийг гэмтээдэг. Хэрэв хоолны дэглэм бага зэрэг алдагдвал хүүхдүүд маш амархан "ацидоз" болдог байна.

"Нимбэгийн нярай"-д тогтсон хэмжээгээр эмнэлгийн тусгай зориулалтын хуурай сүү хэрэглэж болно. Энэ хуурай сүүний стандарт өндөр, зах зээл бага, хөрөнгө оруулалт их байдгаас шалтгаалж компаниуд үйлдвэрлэх сонирхол бага байдаг. Одоогоор Хятадын дотоодын тусгай зориулалтын хуурай сүүний нийлүүлэлт жигдрээгүй байж, нийлүүлэлт дуусмагц "Нимбэгийн нярай" амьд үлдэх эрсдэлтэй нүүр тулна.

Ховор өвчний салбарын мэргэжилтний хувьд Хятадын Ардын Улс төрийн Зөвлөлдөх Зөвлөлийн гишүүн, Шанхайн Хүүхдийн Анагаах Ухааны Хүрээлэнгийн захирал, Шанхайн Хүүхдийн Ховор Өвчин оношлох, Эмчилгээний Төвийн захирал, Шанхайн Зам харилцааны их сургуулийн Анагаах ухааны сургуулийн харьяа Синьхуа эмнэлгийн профессор Цай Вэй олон жилийн турш ховор өвчинтэй хүмүүсийн өмнөөс санал дэвшүүлж, дуугарсаар иржээ. Удахгүй Хятадын жил тутмын "хоёр чуулган" хуралдах учир Цай Вэй энэ жилийн чуулганд дэвшүүлэх саналдаа "нимбэгтэй нярай"-д зориулсан тусгай эмчилгээний хоол тэжээл нийлүүлэхэд анхаарч, сайн бүтээгдэхүүн гаргахад хамт олноо манлайлахаас гадна дотоодын үйлдвэрүүдийн үйлдвэрлэлийн систем, механизмыг оновчтой болгохыг тусгажээ.