3-р сарын 27-ны үдээс хойш Хятад улсын дарга Ши Жиньпин АИХ-ын ордонд Хятадад ажлын айлчлал хийхээр ирсэн Нидерландын ерөнхий сайд Марк Рюттетэй уулзав.

Ши Жиньпин хэлэхдээ, сүүлийн жилүүдэд Хятад, Нидерландын харилцаа эрүүл тогтвортой, хурдацтай хөгжиж, хоёр орны олон салбарын хамтын ажиллагаа тасралтгүй гүнзгийрч, Нидерланд нь Хятад, Европын холбооны хамтын ажиллагааны жинхэнэ "гарц" болсон юм. Хятад улс Нидерландтай бүх түвшинд харилцаагаа хэвээр хадгалж, харилцаа холбоо, яриа хэлцэлээ тууштай баримталж, харилцан ашигтай, хамтдаа хожих үр дүнг баримталж, Хятад, Нидерландын нээлттэй, ажил хэрэгч, иж бүрэн хамтын ажиллагааны түншлэлийн харилцааг ахиулан тасралтгүй хөгжүүлэхэд бэлэн байна. Хятад улс Нидерландаас өндөр чанартай бараа бүтээгдэхүүн импортлохоо өргөжүүлэхэд бэлэн байна, Нидерландын компаниуд Хятадад хөрөнгө оруулахыг сайшааж, Хятадын аж ахуйн нэгжүүдэд Нидерланд улс шударга, ил тод бизнесийн орчин бүрдүүлэн өгөхийг хүсэж байна. Хоёр тал хөдөө аж ахуй, усан ашиглалт, эрчим хүч зэрэг салбар дахь уламжлалт хамтын ажиллагаагаа идэвхтэй ахиулахын зэрэгцээ хиймэл оюун ухаан, ногоон өөрчлөлт, мөнгөний эдийн засаг зэрэг салбар дахь хамтын ажиллагааны нөөц боломжоо ашиглах ёстой. Хоёр тал цаашид иргэдийн харилцаанд тус дөхөм үзүүлэх талаар илүү олон арга хэмжээ хэрэгжүүлж, боловсрол, соёл болон иргэд хоорондын солилцоог дэмжин ажиллахыг хүсэж байна. Хятад улс Нидерландын талтай НҮБ, Дэлхийн худалдааны байгууллага зэрэг олон талт байгууллагууд дахь харилцаа холбоо, зохицуулалтаа эрчимжүүлж, уур амьсгалын өөрчлөлт, биологийн олон янз байдал зэрэг дэлхийн сорилтуудыг хамтдаа даван туулахад бэлэн байна гэжээ.