Байгалийн энергийг Хятадад олон янзаар хувирган ашиглаж байна. Өмнө нь энгэр ээвэр газар, уулын бэл, элсэн цөлд нарны хавтан байрлуулж цахилгаан эрчим хүч үйлдвэрлэж байв. 

Мөн эх газрын салхи ихтэй бүсэд турбин ажиллуулж салхины эрчим хүч гарган авч байв. Эдгээрийн зэрэгцээ нуур, цөөрөм зэрэг газар усанд нарны зай хураагуур хавтан байрлуулж тэндээс ногоон эрчим хүч нөөцлөн авч байна. Эндээс гаргаж авсан эрчим хүчийг загасны аж ахуйгаас эхлэн бүхий л салбарт түлхүү хэрэглэж байгаа юм.