Оросын БХЯ тухайн нутгийн цагаар 7-р сарын 3-нд байлдааны тайлангаа гаргажээ. Тухайлбал, өнгөрсөн 24 цагт, Оросын арми Донецк бүсийн Часофяр суурингийн Нови дүүргийг хяналтаа авсан бөгөөд Украины агаарын бааз дахь Ми-24 нисдэг тэрэг, танкийн их буу, том калибрын сум үйлдвэрлэдэг компанийн цехийг устгасан гэлээ. Мөн Оросын Хар тэнгисийн флот Украины Тэнгисийн цэргийн хүчний гурван завийг устгасан. Түүнчлэн Оросын агаарын довтолгооноос хамгаалах хүчин 3 ширхэг “Хаймарс”пуужин, 39 дроныг устгав гэжээ. 

Украины ЗХЖШ мөн өдөр байлдааны тайлангаа гаргажээ. Тухайн нутгийн цагаар 7-р сарын 3-ны 16 цаг хүртэл, дайны тэргүүн фронтод хоёр тал ер орчим удаа тулалдаж, Оросын арми Донецк бүс дэх довтолгоогоо нэмэгдүүлжээ. Мөн Волчанск, Липци бүсэд Украины арми Оросын 6 удаагийн довтолгоог няцаав. Покровскийн чиглэлд Оросын арми 19 удаагийн давшилт хийсэнд 13 удаад нь Украины арми цохин ухруулав гэлээ.