Орон нутгийн цагаар 7-р сарын 5-ны үдээс хойш Их Британийн шинээр томилогдсон Ерөнхий сайд Стармер шинэ ээлжийн засгийн газраа бүрдүүлэв.

Шинэ Засгийн газрын гишүүдээс Хөдөлмөрийн намын дэд дарга Анжела Рэйнер Шадар сайд бөгөөд Орон нутгийн хөгжил, орон сууц, олон нийтийн асуудал хариуцсан сайдаар томилогдов. Рэйчел Ривз Сангийн сайдаар томилогдов. Үүнээс гадна, Дэвид Ламми Гадаад хэргийн сайдаар, Иветт Купер Дотоод хэргийн сайдаар, Жон Хили Батлан хамгаалахын сайдаар, Уэс Стритинг эрүүл мэндийн сайдаар тус тус томилогдсон байна.

Эх сурвалжид мэдээлснээр, Рэйчел Ривз нь Их Британийн анхны эмэгтэй Сангийн сайд болсон бөгөөд тэрээр Оксфордын их сургуулийг төгсөж, Английн банкинд ажиллаж байсан ба 2020 оноос хойш Стармерын сүүдрийн засгийн газарт Сангийн сайдаар ажиллаж байжээ. Дэвид Ламми өмнө нь Стармерын сүүдрийн засгийн газарт Гадаад хэргийн сайдаар ажиллаж байсан бөгөөд Ерөнхий сайд асан Тони Блэйр болон Браун нарын засгийн газарт тушаал хариуцаж байжээ. Жон Хили өмнө нь Брауны засгийн газарт тушаал хариуцаж байжээ.