ХКН-ын Төв Хорооны Улс төрийн товчооны гишүүн, Гадаад хэргийн сайд Ван И, ХКН-ын Төв хорооны Улс төрийн товчооны гишүүн, Төрийн Зөвлөлийн Ерөнхий сайдын орлогч Хэ Лифэн нар 22-ны өдөр Бээжинд АНУ-Хятадын Бизнесийн Зөвлөлийн ТУЗ-ийн дарга Рүй Сибө тэргүүтэй төлөөлөгчдийг хүлээн авч уулзав.

Ван И уулзалтын үеэр хэлэхдээ, Хятадын Коммунист Намын 20 дахь удаагийн Төв хорооны 3-р бүгд хурал дөнгөж сая амжилттай болж өнгөрлөө. АНУ-Хятадын Бизнесийн Зөвлөл болон түүний гишүүн компаниуд Хятад дахь хөгжлийн туршлагатайгаа уялдуулж, АНУ-ын засгийн газар, Конгресс болон нийгмийн бүх давхаргынханд Хятад улсын талаар илүү үнэн бодитой, бүх талын мэдээлэл өгч, илүү бодитой, идэвхтэй, оновчтой дуу хоолойг хүргэж, Хятад улсын талаарх зөв ойлголтыг Америкт бий болгохыг дэмжихийг хүсэж байна гэжээ.

Уулзалтын үеэр Хэ Лифэн Хятадын Коммунист Намын 20 дахь удаагийн Төв Хорооны 3-р бүгд хурал, Хятадын эдийн засгийн байдал болон гадаадад нээлттэй байх байдлын талаар танилцуулав, АНУ-Хятадын бизнесийн зөвлөл нөлөөгөө бүрэн дүүрэн ашиглаж, Америкийн компаниуд боломжийг ашиглахыг дэмжиж, Хятад улс өөрчлөлт шинэчлэлийг цаашид иж бүрэн гүнзгийрүүлэх болон Хятад маягийн шинэчлэлийн үйл явцад идэвхтэй оролцож, харилцан ашигтай хамтын ажиллагаагаа гүнзгийрүүлж, харилцан ашигтай хөгжилд хүрэхийг хүсэж байна гэжээ.

Рүй Сибө нарын хүмүүс илэрхийлэхдээ, ХКН-ын 20 дахь удаагийн Төв хорооны 3-р бүгд хурлаас гаргасан өөрчлөлтийг цаашид иж бүрэн гүнзгийрүүлэх чухал дохиог сайшааж байна. Америкийн бизнесийн хүрээнийхэн Хятад дахь хүчин чармайлтаа үргэлжлүүлэн гүнзгийрүүлэхэд итгэлтэй байгаа бөгөөд хоёр тал олон салбарын хамтын ажиллагааг гүнзгийрүүлэхийг хүсэж байна. АНУ-Хятадын бизнесийн зөвлөл үргэлжлэн идэвхтэй үүрэг гүйцэтгэж, Америк, Хятадын эдийн засаг, худалдааны харилцааны хөгжлийг ахиулахад илүү их шинэ хувь нэмэр оруулахад бэлэн байна гэжээ.