ОХУ-ын ГХЯ-ны сайд Сергей Лавров орон нутгийн цагаар 27-ны өдөр Лаосын нийслэл Вьентьянд хэлэхдээ, Америк, Өмнөд Солонгосын гарын үсэг зурсан "Солонгосын хойгийн цөмийн хүчин болон цөмийн дайны тухай удирдамж"-д Орос санаа зовж байна гэжээ. Тэрээр хэвлэлийн бага хурал дээр хэлэхдээ, "Одоогоор Оросын тал энэ нь чухам юу болох тухай тайлбар аваагүй хэдий ч бид үүнд онцгой анхааралтай хандаж байна" гэжээ.

Энэ сарын 11-нд Өмнөд Солонгосын Ерөнхийлөгч Юн Сок Ёл, АНУ-ын Ерөнхийлөгч Жо Байден нар Вашингтонд болсон НАТО-гийн дээд хэмжээний уулзалтын үеэр хоёр талын хэлэлцээ хийж, "Солонгосын хойгийн цөмийн хүчин болон цөмийн дайны тухай удирдамж"-ийн хамтарсан мэдэгдэлд гарын үсэг зурсан. Мэдэгдэлд, хэрэв Хойд Солонгос Өмнөд Солонгост ямар нэгэн цөмийн дайралт явуулахад хүрвэл тэр даруйд нь эрс шийдэмгий хариу арга хэмжээнд хүргэнэ гэж тэмдэглэжээ.