2024 оны Хятад Африкийн хамтын ажиллагааны чуулга уулзалт 9-р сарын 4-6-нд Бээжинд болно. Хятадын ГХЯ-ны хэвлэлийн төлөөлөгч Линь Жянь 30-ны өдөр болсон ээлжит хэвлэлийн бага хурал дээр уулзалтын холбогдох хөтөлбөрийн талаар танилцууллаа.

Линь Жянь хэлэхдээ, энэ удаагийн чуулга уулзалт нь Хятад Африкийн хамтын ажиллагааны форум 4 дэх удаагаа дээд хэмжээний уулзалтын хэлбэрээр зохион байгуулж байгаа бөгөөд уулзалтын үеэр “Хятад Африкийн орчин үеийн хөгжлийг хамтдаа ахиулж, Хятад Африкийн өндөр түвшиний хувь заяаны нэгдмэл цогцыг буй болгоё” гол урианы хүрээнд найрсаг харилцаа, хамтын ажиллагааны талаар зөвшилцөх юм. 

Форумын дээд албан тушаалтнуудын хурал, сайд нарын хурал есдүгээр сарын 2, 3-нд тус тус болж, дээд хэмжээний уулзалтын бэлтгэл ажлыг хангана. 4-6-ны өдрүүдэд дээд хэмжээний уулзалтын нээлтийн ёслол, хүндэтгэлийн хүлээн авалт, урлагийн тоглолт, салбар уулзалтууд, Хятад Африкийн бизнес эрхлэгчдийн бага хурал, хоёр талт уулзалт зэрэг олон арга хэмжээ болно.

Линь Жянь хэлэхдээ, харилцан хүндэтгэж, эрх тэгш харьцаж, хамтдаа зөвлөлдөх нь Хятад Африкийн хамтын ажиллагааны чуулга уулзалтын чухал онцлог юм. Хоёр тал Хятад, Африкийн найрсаг хамтын ажиллагааны үзэл баримтлалыг үргэлжлэн ахиулж, форумын дээд хэмжээний уулзалтыг Хятад Африкийн найрамдал, эв нэгдлийг бэхжүүлэх бас нэгэн томоохон арга хэмжээ болгоно.