8-р сарын 3-нд Хятадын Коммунист намын Төв хорооны ерөнхий нарийн бичгийн дарга Ши Жиньпин Су Линьд цахилгаан илгээж, Вьетнамын Коммунист намын Төв хорооны ерөнхий нарийн бичгийн даргаар сонгогдсонд нь баяр хүргэв. 

Ши Жиньпин баярын мэндчилгэээндээ, Таныг Вьетнамын Коммунист намын Төв хорооны ерөнхий нарийн бичгийн даргаар сонгогдсонд баяртай байна, миний бие Хятадын Коммунист Намын Төв Хороо болон хувийн нэрийн өмнөөс халуун баяр хүргэж байна. Сүүлийн жилүүдэд Вьетнамын Коммунист нам 13-р их хурлын шийдвэрийн үзэл санааг хэрэгжүүлж, намын өөрөө бүтээн байгуулалтыг гүнзгий ахиулж, социалист бүтээн байгуулалт, өөрчлөлт нээлтийн шинэ ололт амжилтыг ахиулж байна. Вьетнамын Коммунист намын Төв Хорооны хүчтэй удирдлага дор Вьетнамын нам, ард түмэн Вьетнамын Коммунист намын 13-р их хурлаас дэвшүүлсэн зорилт үүргийг амжилттай биелүүлж, 14-р их хурлын бэлтгэл ажлыг тууштай хангаж, нам, улс орныг байгуулсан "хоёр зуун жилийн зорилт" руу урагшилна гэдэгт бат итгэлтэй байна. Хятад, Вьетнам бол уул усаар холбогдсон социалист найрсаг хөрш юм. Өнгөрсөн оны 12-р сард миний бие Вьетнамд төрийн айлчлал хийж, хоёр тал стратегийн ач холбогдолтой Хятад Вьетнамын хувь заяаны нэгдмэл цогц байгуулж, хоёр нам болон хоёр орны харилцаанд шинэ зам, шинэ хуудас нээж байгааг хоёр тал хамтран зарлав. Миний бие Ерөнхий нарийн бичгийн дарга Су Линьтэй хамт Хятад Вьетнамын хувь заяаны нэгдмэл цогцын бүтээн байгуулалтыг удирдаж, уламжлалт найрамдалт харилцааг хамтдаа урагшлуулж, улс төрийн харилцан итгэлцлийг бэхжүүлж, стратегийн харилцаа холбоогоо гүнзгийрүүлж, ажил хэрэгч хамтын ажиллагааг ахиулж, хоёр орны ард түмэнд илүү их үр өгөөжөө өгч, хүн төрөлхтний энх тайван, хөгжил дэвшлийн үйл хэрэгт нааштай хувь нэмэр оруулахад бэлэн байна гэжээ.