Хятадын Шинжлэх ухаан, технологийн нийгэмлэг зэрэг 21 байгууллага нэгж саяхан 2024 оны Үндэсний шинжлэх ухааныг сурталчлах өдөрлөгийг 9-р сарын 15-наас 25-ны хооронд олон нутагт зохион байгуулах тухай мэдэгдэл нийтэлж, энэ жил "Бүх ард түмний шинжлэх ухааны мэдлэгийг дээшлүүлж, Шинжлэх ухаан, технологийн хүчирхэг улсыг байгуулъя" гол уриан дор болно.

Мэдэгдэлд дурдсанаар, энэ жилийн арга хэмжээ нь Хятад улсын шинжлэх ухаан, технологийг сурталчлах чиглэлээр олсон ололт амжилтыг олон нийтэд сурталчлан таниулж, шинжлэх ухааны судалгааны дэд бүтэц, инновацын баазыг зохион байгуулалттай, тогтмол нээлттэй байлгахад тус дөхөм үзүүлж, чанартай бүтээн байгуулалтад үйлчлэх болно.

Үүний зэрэгцээ, олон нутгийн төрөл бүрийн салбарынхан иргэдийн амьжиргааг хангах шинжлэх ухаан, технологи, эрүүл мэнд, хүнсний аюулгүй байдал, хөдөө аж ахуйн үйлдвэрлэл зэрэг олон нийтийн анхаарлын төвд байгаа халуун сэдвийн хүрээнд шинжлэх ухааныг сурталчлах олон төрлийн үйлчилгээг явуулж, ард түмний оюун санааны болон соёлын амьдралыг баяжуулж, ард түмний шинжлэх ухаан, соёлын боловсролыг дээшлүүлнэ.