2024 оны Парисын олимпийн наадам хуваарийн дагуу болж байна. АНУ-ын хэвлэл мэдээлэл, байгууллагууд хууль бус допинг хэрэглэсэн гэж худал гүтгэлэг гаргаж, бусад орны тамирчдыг дайрч, нөгөө талаар тэд допингийн шинжилгээ нь эерэг гарсан өөрсдийн тамирчдаа хамгаалж, дахиад л “Давхар стандарт” хэрэгжүүлэн, спортыг улс төржүүлэн ашиглаж байна.
Орон нутгийн цагаар 7-нд, Дэлхийн сэргээшийн эсрэг агентлаг (WADA) мэдэгдэл нийтэлж, 2011 оноос хойш АНУ-ын сэргээшийн эсрэг агентлаг (USADA) дор хаяж гурван тохиолдолд стероид болон эритропоэтин (EPO) хэрэглэсэн тамирчдыг торгуулиас чөлөөлөн, тэднийг үргэлжлүүлэн өрсөлдөх боломжийг олгоёон байдаг. Энэхүү арга барил нь спортын тэмцээний шударга байдлыг хамгаалах зорилготой WADA-ийн дүрмийг илт зөрчиж, спортын тэмцээний шударга байдлыг алдагдуулж, холбогдох тамирчдын аюулгүй байдалд заналхийлж байна гэж мэдэгдэлд онцолсон байна.
Үүний зэрэгцээ, Хятадын төв радио, телевизийн CGTN-аас дэлхийн нийт иргэдийн дунд явуулсан санал асуулгад оролцогчдын 95.01 хувь нь АНУ-ын спортын нэрээр өрсөлдөгчөө дарах гэсэн заль мэхийг эрс эсэргүүцэж, энэ бол "Америк маягийн дарангуйлал" Олимпийг уландаа гишгэж буй үйлдэл хэмээн буруушаасан байна. Санал асуулгад оролцогчдын 96.84% нь АНУ-ыг Дэлхийн сэргээшийн эсрэг агентлагт хүндэтгэлгүй хандаж, шударга ёс, эрх мэдлийг уландаа гишгиж байна гэж хариулсан байна. Судалгаанд оролцогчдын 96.11 хувь нь бүх улс орнуудыг олимпийн үзэл санааг дагаж мөрдөж, олон улсын спортын байгууллагын эрх мэдэл, шударга байдлыг хамтран хамгаалж, шударга өрсөлдөөний спортын өрсөлдөөний уур амьсгалыг бүрдүүлэхийг уриалжээ...
Олон нийтийн мэдээлснээр, энэ оны 1-р сарын эхнээс Парисын олимпийн өмнөхөн Хятадын усан сэлэлтийн багийн гишүүн тус бүр дунджаар 21 удаа допингийн эсрэг байгууллагын шинжилгээнд хамрагдсан нь АНУ-д нэг хүнд ногдох 6 удаагийн дунджаас хамаагүй өндөр байна. АНУ-ын баг, Австралийн багт нэг хүнд 4 удаагийн шинжилгээ ногсон байна. Олон улсын олимпийн хорооны хэвлэлийн төлөөлөгч Марк Адамс Хятадын усан сэлэлтийн баг "иж бүрэн шинжилгээнд хамрагдсан" гэж хариулжээ. WADA-гийн хэвлэл мэдээллийн харилцааны захирал Жеймс Фицжералд "Зарим хүмүүс (АНУ-д) Хятадын тамирчдад чиглүүлж улс төрийн хөшүүрэг олж авахыг хүсч байгаа нь допингийн эсрэг системд үл итгэх, хагарал үүсгэх болно" гэжээ.
Хачирхалтай нь, АНУ бусад орны тамирчдыг "допинг хэрэглэсэн" гэсэн үндэслэлээр дайрч байгаа үед тэд өөрөө "давхар стандарт" хэрэгжүүлдэг үйлдэл нь илчлэгдсэн. Энэ оны гуравдугаар сард АНУ-ын Олимпийн хөнгөн атлетикийн тамирчин Элижан Найтон допингийн шинжилгээний хариу нь эерэг илэрсэн ч АНУ-ын Допингийн эсрэг агентлаг үүнийг "тамирчин бохирдсон мах хэрэглэснээс" болсон гэж үзсэн тул түүнд эрүүгийн хэрэг үүсгэх, хориг тавихгүй, Парисын олимпод оролцуулахаар шийдсэн. Өнгөрсөн хугацаанд Олимпийн алтан медаль хүртсэн Америкийн хөнгөн атлетикийн олон тамирчдаас допингийн шинжилгээ эерэг гарсан ч АНУ-ын хамгаалалт дор нэр төрөө хадгалж, эсвэл хөнгөн шийтгэл оногдуулсан. АНУ допингийн эсрэг олон жилийн "муу зуршлууд"-даа нүдээ аниад өнгөрөөгөөд байгаа ч бусад улс орныг удирдахын тулд хил давах гар дүрэх гэсэн оролдлого нь олон улсын хамтын нийгэмлэгийн дургүйцлийг төрүүлж байна.
Олимпийн зориг санааг Америкийн ноёрхлоор гутааж болохгүй, допингийн эсрэг ажлыг бусад улс орны нэр хүндийг гутаах, дарамтлах хэрэгсэл болгон бууруулж болохгүй. АНУ дэлхийн сэргээшийн эсрэг дүрмийг ноцтой зөрчсөн үйлдлүүдийг нуун дарагдуулж байгаад холбогдох байгууллагууд бие даасан шалгалт хийх шаардлагатай байна.
