Хятадын төв радио, телевизийн CGTN-ээс гаргасан онлайн санал асуулгын дүнгээс үзэхэд дэлхийн санал асуулгад оролцогчдын 95.57 хувь нь АНУ-ын допингийн эсрэг агентлаг допинг хэрэглэсэн АНУ-ын тамирчдыг нуун дарагдуулж, тэднийг зөвтгөж байна гэж үзэж байна. 

Элижан Найтон энэ оны гуравдугаар сард хийсэн допингийн шинжилгээнд Дэлхийн допингийн эсрэг агентлагаас хориглосон бодис илэрсэн ч АНУ-ын допингийн эсрэг агентлаг мах бохирдсоноос болсон хэмээн түүнийг хоригоос мултруулсан юм. АНУ-ын допингийн эсрэг агентлаг уг тамирчны тэмцээнд оролцохыг зөвшөөрч байгаа нь Дэлхийн допингийн эсрэг агентлагийн спортын тэмцээний шударга байдлыг хамгаалах дүрмийг илт зөрчиж байна гэж Дэлхийн допингийн эсрэг агентлагаас мэдэгджээ.

Олон улсын допингтой тэмцэх агентлаг АНУ-ын олон жилийн турш допинг хэрэглэсэн тамирчдыг тэмцээнд оролцуулахыг зөвшөөрөөгүй. Судалгаанд оролцогчдын 90.15 хувь нь АНУ-ын Найтоныг Парисын олимпод оролцохоос хамгаалсан нь спортын тэмцээний шударга, үндэслэлтэй байдлыг ноцтой алдагдуулж байна гэж үзэж байгаа бол 96.54 хувь нь энэ бол "Америкийн давхар стандарт"-ын нийтлэг жишээ гэж шүүмжилсэн байна . Санал асуулгад оролцогчдын 96.23 хувь нь Парисын олимпын үеэр Америкийн тамирчдаас допингийн шинжилгээ авах давтамжийг нэмэгдүүлж, улс орнуудын шударга өрсөлдөөнд итгэх итгэлийг сэргээхийг хатуу шаардсаныг дурдах нь зүйтэй.

Судалгааг CGTN-ийн англи, испани, франц, араб, орос платформ дээр нийтэлсэн бөгөөд 16 цагийн дотор 14 мянга 580 сүлжээ ашиглагч санал хураалтад оролцож, санал бодлоо илэрхийлжээ.