Тав хоног үргэлжлэх 2024 оны дэлхийн роботын бага хурал өнөөдөр Бээжинд нээлтээ хийлээ. Уг бага хурал "Үйлдвэрлэлийн шинэ хүчнийг хамтдаа хөгжүүлж, ухаалаг шинэ ирээдүйг хуваалцая" уриан дор болж, хурлын хугацаанд форум, үзэсгэлэн, уралдаан тэмцээн болон дэмжих үйл ажиллагааг нэгэн зэрэг зохион байгуулж, роботын шинэлэг бүтээгдэхүүн, хэрэглээний шинэ хувилбаруудыг тус тус танилцууллаа.

Хурлын хугацаанд гурван өдрийн үндсэн форум болон 26 тусгай форумын арга хэмжээг зохион байгуулж, дотоод гадаадын шилдэг эрдэмтэд, олон улсын байгууллагын төлөөлөгчид, академич болон бизнес эрхлэгчид нарын зэрэг нийт 416 чухал зочин оролцож, робот техникийн үндсэн салбарын сэдвүүдийн эргэн тойронд бүрэн дүүрэн судлан хэлэлцэж байна.

2024 оны Дэлхийн роботын бага хурлын үзэсгэлэнгийн үеэр, 169 компани 600 гаруй шинэлэг бүтээгдэхүүнээ дэлгэн харуулж, түүний дотор 60 гаруй шинэ бүтээгдэхүүн анх удаагаа үзэсгэлэнд гарах юм. Үзэсгэлэнд нийтдээ 27 хүн дүрст роботын загвар дэлгэгдэх бөгөөд энэ нь түүхэндээ хамгийн олон загвар дэлгэн үзүүлж байгаа хэрэг юм.