2024 оны 8-р сарын 21-нд Хятадын Улс төр, хуулийн их сургуулийн Олон улсын эрх зүйн сургуулийн эрдэмтэн Шы Шяоли, Цүй Юньфэй нар "Ногоон өөрчлөлт нэрийн дор "Шинэ гурван бүтээгдэхүүн"-ний аж үйлдвэрлэлд нөхөн олговор олгож буй Европын Холбооны бодлого" гэсэн гарчигтай өгүүлэлийг Хятадын Улс төр, хуулийн их сургуулийн ДХБ-ын хууль эрх зүйн судалгааны төвийн цахим хуудсанд нийтэлж, Европын Холбооны "шинэ гурван бүтээгдэхүүн"-тэй холбоотой бодлогод түүхийн хөгжлийн үүднээс дүн шинжилгээ хийж, ЕХ-ны холбогдох арга хэмжээний дүр зураг хийгээд түүний ногоон өөрчлөлт нэрийн дор хэрэгжүүлж буй нөхөн олговорын бодлогын мөн чанарыг бүх талаар илчилжээ.
Энэ нийтлэлд, 2024 оны 8-р сарын 20-ны өдөр Европын Комиссын зүгээс Хятадын суудлын цахилгаан машинд хийсэн нөхөн олговорын эсрэг мөрдөн байцаалтын (AS689) эцсийн шүүн таслалтыг гаргаж, Хятадын экспортын компаниудад нөхөн олговорын эсрэг 17%-36.3% хувийн татвар ногдуулахаар төлөвлөж байгааг онцолжээ. (Теслагийн тусдаа татварын хувь хэмжээ 9%). Европын Комиссын дарга Урсула фон дер Лайен 2023 оны 9-р сарын 13-ны өдөр "Холбооны төлөв байдлын талаарх илтгэл" тавихдаа энэ хэргийг эхлүүлсэн. Энэ нь Европын Холбооны цахилгаан автомашины үйлдвэрлэлийг өөрчлөх, хөгжүүлэх орон зайг бий болгох зорилготой юм. Европын Комисс 2023 оны 10-р сарын 4-нд эрх мэдлийнхээ дагуу уг хэргийг бие даан үүсгэсэн нь ховор тохиолдол болсон юм.
Үнэн хэрэгтээ, ЕХ-ны энэ алхамын ард, уур амьсгалын өөрчлөлттэй тэмцэх, ногоон өөрчлөлтийг хэрэгжүүлэх дэлхийн өрсөлдөөний шинэ шатанд санаачлагыг өөрийн гартаа авах гэсэн зорилго оршиж буй. Сүүлийн жилүүдэд, олон улс орон "гурван шинэ бүтээгдэхүүн"-ийг (фотовольтийн бүтээгдэхүүн, цахилгаан машин, лити батерей) аж үйлдвэрийн хөгжлийн тэргүүлэх чиглэл болгож байгаа бөгөөд Европын холбоо бол үүний сонгодог төлөөлөгчдийн нэг. АНУ-ын "Инфляцийг бууруулах тухай хууль"-аас хэрэгжүүлж буй нөхөн олговорыг ЕХ эрс буруушааж байгаа атлаа ЕХ дахь "шинэ гурван бүтээгдэхүүн"-ний нөхөн олговорын хэмжээгээ нэмэгдүүлж байна. Ялангуяа 2019 онд, Европын Комисс "Европын ногоон хөгжлийн шинэ бодлого"-ыг гаргасны дараа ногоон эрчим хүчний өөрчлөлтөд анхаарлаа хандуулж, "Шинэ гурван бүтээгдэхүүн" зэрэг эрчим хүчний шинэ аж үйлдвэрийн хөгжлийг эрчимтэй ахиулсан. 2020 онд Европын Комисс "Европын аж үйлдвэрийн шинэ стратеги"-г нийтэлж, аж үйлдвэрийн ногоон өөрчлөлтөд хөрөнгө оруулалт, санхүүгийн дэмжлэг үзүүлнэ гэж тодорхой заасан байдаг. Үнэн хэрэгтээ, ЕХ-ны "Шинэ гурван бүтээгдэхүүн" зэрэг эрчим хүчний шинэ салбаруудын хөгжлийг түргэтгэх зорилго нь НҮБ-ын Тогтвортой хөгжлийн зорилтуудад хүрэх төдийгүй, харин боломжийг ашиглан Европын холбооны аж үйлдвэрийн дэлхийн өрсөлдөх чадварыг нэмэгдүүлж, дэлхийд манлайлах байр суурь олохын төлөө юм. Энэ явцад аж үйлдвэрийн олон тооны нөхөн олговорын бодлогыг хэрэгжүүлж байна.
