Саяхан Францын Ерөнхийлөгч Эммануэль Макрон шинэ Ерөнхий сайдыг сонгох асуудлаар улс төрийн томоохон фракцуудтай зөвлөлдөж, улс төрийн мухардлаас гарахыг эрэлхийлж байна. Гэвч Эммануэль Макрон сонгуульд ялалт байгуулсан зүүний намын нэр дэвшигчийг Ерөнхий сайдаар томилохоос татгалзсан нь зүүний намуудын дургүйцлийг хүргэсэн юм. 

Өнгөрсөн зургадугаар сард болсон Үндэсний ассамблейн сонгуулиар Францын зүүний хүчний "Шинэ Ардын Фронт" намын эвсэл Үндэсний Ассемблэйд харьцангуй олонхийн суудал авсан ч илт олонхи болж чадаагүй юм. 

Орон нутгийн цагаар 8-р сарын 26-нд шинэ ерөнхий сайдад нэр дэвшигчийн талаар хэлэлцээ хийсний дараа Макрон зүүний намын "Шинэ ардын фронт" эвслээр удирдуулсан засгийн газрыг томилохгүй гэж мэдэгдэв. Энэ шийдвэр нь Францын "институцийн тогтвортой байдлыг" хангах зорилготой гэж Макрон онцлов. 

Макроны шийдвэр зүүний үзэлтэй намуудын эвслийн шүүмжлэлийг дагуулсан. Зарим хууль тогтоогчид түүнийг огцруулахыг хүртэл уриалсан байна.