Америкийн судалгааны байгууллага наймдугаар сарын 26-нд нийтэлсэн шинжилгээний тайланд, Палестин Израилийн мөргөлдөөнд Америкийн хангасан олон төрлийн зэвсэг техникийг Израилийн арми их хэмжээгээр ашигласан гэж онцолсон байна. Түүнчлэн уг тайланд Израилийн цэргийнхэн үйлдсэн байж болзошгүй 20 "дайны гэмт хэрэг"-т АНУ-ын зэвсэг ямар үүрэг гүйцэтгэсэн талаар дэлгэрэнгүй дурджээ.

Судалгааны байгууллагын "Statecraft" вэбсайтад нийтэлсэн энэхүү тайланд Израилийн арми цэргийн ажиллагаа явуулахдаа АНУ-ын зэвсэгт тулгуурладаг бөгөөд Газын зурваст хаясан бөмбөгний дийлэнх хувийг АНУ-д үйлдвэрлэсэн гэжээ. Тухайлбал, өнгөрсөн оны аравдугаар сард Палестин Израилийн мөргөлдөөний шинэ үе эхэлснээс хойш АНУ Израильд дор хаяж 14 мянган 2000 фунт (1 фунт 0.45 кг) хүнд бөмбөг, 2600 жижиг диаметртэй бөмбөг, мөн 3000 "Тамын гал" бөмбөг, түүнчлэн олон тооны 120 мм-ийн танкийн сум, 155 мм-ийн их бууны сум хангажээ. 

Уг тайланд дурдсанаар, АНУ-ын Байдены засгийн газар Израильд 20 тэрбум ам.доллараас давсан зэвсэг худалдахыг зөвшөөрснөө саяхан зарлав.