Энэ жилийн ажлын хуваарийн дагуу, энэ оны 5-7-р сар хүртэл Байгалийн нөөц баялагийн яамны Өмнөд Хятадын тэнгисийн хөгжлийн судалгааны хүрээлэн, Өмнөд Хятадын тэнгисийн экологийн төв, Өмнөд Хятадын тэнгисийн судалгааны төв зэрэг байгууллагатай хамтран Шяньбинь шүрэн хадны экосистемийн байдалд судалгаа, үнэлгээ хийж, "Шяньбинь шүрэн хадны экосистемийн судалгааны тайлан"-г өнөөдөр анх удаа нийтэллээ.

Шяньбинь шүрэн хад бол Хятадын Наньша арар олтригуудын нэг хэсэг бөгөөд Хайнань мужийн Саньша хотод харьяалагддаг. Шяньбинь шүрэн хад нь зүүнээс баруун тийш 20.9 км урт, хойд зүгээс урагш 11.6 км өргөн юм.

Судалгааны үр дүнгээс харахад, Шяньбинь шүрэн хадны шүрэн бүрхүүлийн хэмжээ 2012 онтой харьцуулахад ерөнхийдөө тогтвортой байна. Одоогийн байдлаар, Шяньбинь шүрэн хадны экосистем ерөнхийдөө эрүүл бөгөөд 57 төрөл, 13 овгийн 236 зүйлийн хадны шүр тархсан бөгөөд шүрэн бүрхүүлийн дундаж хэмжээ 24.7 хувь, дээд тал нь 51.3 хувь байна. Үүний зэрэгцээ Шяньбинь шүрэн хаданд 26 овгийн 179 төрлийн шүрэн хадны загас амьдардаг.

Байгалийн нөөц баялагийн яамны Өмнөд Хятадын тэнгисийн хөгжлийн хүрээлэнгийн дэд захирал Хуан Хуамэй хэлэхдээ: Хятад улс Шяньбинь шүрэн хадад шүрэн хог хаягдлыг хуримтлуулсан нь тус бүс нутагт шүрэн хад их хэмжээгээр цайрч, үхсэн гэгч цуурхалыг Филиппин гаргасан нь шинжлэх ухааны үндэслэл эсвэл бодит үндэслэл байхгүй юм. Цаашид бид Шяньбинь шүрэн хад болон ойр орчмын усны судалгаа, үнэлгээ, хамгаалалтыг улам эрчимжүүлж, хүний үйл ажиллагаа зэрэг гадны хүчин зүйлийн сөрөг нөлөөллийг бууруулж, Шяньбинь шүрэн хадны экосистемийн олон талт, тогтвортой байдлыг хадгалахыг хичээх болно гэв.